O‘zbekiston Respublikasi Konstitutsiyasi qabul qilingan kun — 8 dekabr mamlakatimiz tarixida alohida ahamiyat kasb etadi. 2025-yilda yurtimiz ushbu muhim huquqiy hujjatning 33 yilligini keng nishonlamoqda. Mazkur sana O‘zbekistonning mustaqil taraqqiyot yo‘lida demokratik davlat va kuchli fuqarolik jamiyatini barpo etish borasidagi qat’iy intilishlarini ifodalovchi tarixiy voqea sifatida e’tirof etiladi.
Konstitutsiya — davlatning asosiy siyosiy-huquqiy hujjati bo‘lib, unda O‘zbekiston Respublikasining suvereniteti, davlat hokimiyati tizimi, fuqarolarning asosiy huquq va erkinliklari, jamiyat rivojlanishining ustuvor tamoyillari aniq belgilab qo‘yilgan. 33 yil davomida mazkur hujjat mamlakatimizda inson qadrini ulug‘lash, adolat ustuvorligini ta’minlash va demokratik boshqaruvni mustahkamlashda asosiy mezon bo‘lib kelmoqda.
So‘nggi yillarda olib borilayotgan keng ko‘lamli islohotlar “Inson qadri uchun” tamoyilining hayotga izchil tadbiq etilayotganini yaqqol ko‘rsatmoqda. Konstitutsiyaga kiritilgan zamonaviy o‘zgarish va qo‘shimchalar esa fuqarolarning huquqiy himoyasini kuchaytirish, ularning hayot sifatini har tomonlama yaxshilashga qaratilganini alohida ta’kidlash lozim.
Konstitutsiya qabul qilingan kun bu yurtimizda qonun ustuvorligi, adolat, teng imkoniyatlar va fuqarolik mas’uliyati tamoyillarining mustahkam o‘rnashganini yana bir bor e’tirof etadigan bayramdir. 33 yillik davr mobaynida Konstitutsiya mamlakatimiz taraqqiyoti, davlat boshqaruvi va fuqarolik jamiyati shakllanishida hal qiluvchi huquqiy asos bo‘lib xizmat qildi.
Bugun Konstitutsiya O‘zbekistonning modernizatsiya jarayonlari, inson huquqlariga ustuvorlik berilgan demokratik jamiyat barpo etish yo‘lida ishonchli huquqiy poydevor bo‘lib qolmoqda. Undagi tamoyillarga sadoqat esa Yangi O‘zbekiston taraqqiyotining uzviy davomiyligini ta’minlaydi.
Konstitutsiyaning 33 yilligi — inson qadri, erkinlik, tenglik va adolatni ulug‘laydigan, davlatimiz taraqqiyotining mustahkam huquqiy tayanchi ekanini yana bir bor tasdiqlovchi muhim sana hisoblanadi.
E. O‘LMASBOYEV,
respublika Ma’naviyat va ma’rifat markazi tuman bo‘linmasi rahbari.
***
Ўзбекистон Республикаси Конституцияси қабул қилинган кун — 8 декабрь мамлакатимиз тарихида алоҳида аҳамият касб этади. 2025-йилда юртимиз ушбу муҳим ҳуқуқий ҳужжатнинг 33 йиллигини кенг нишонламоқда. Мазкур сана Ўзбекистоннинг мустақил тараққиёт йўлида демократик давлат ва кучли фуқаролик жамиятини барпо этиш борасидаги қатъий интилишларини ифодаловчи тарихий воқеа сифатида эътироф этилади.
Конституция — давлатнинг асосий сиёсий-ҳуқуқий ҳужжати бўлиб, унда Ўзбекистон Республикасининг суверенитети, давлат ҳокимияти тизими, фуқароларнинг асосий ҳуқуқ ва эркинликлари, жамият ривожланишининг устувор тамойиллари аниқ белгилаб қўйилган. 33 йил давомида мазкур ҳужжат мамлакатимизда инсон қадрини улуғлаш, адолат устуворлигини таъминлаш ва демократик бошқарувни мустаҳкамлашда асосий мезон бўлиб келмоқда.
Сўнгги йилларда олиб борилаётган кенг кўламли ислоҳотлар “Инсон қадри учун” тамойилининг ҳаётга изчил тадбиқ этилаётганини яққол кўрсатмоқда. Конституцияга киритилган замонавий ўзгариш ва қўшимчалар эса фуқароларнинг ҳуқуқий ҳимоясини кучайтириш, уларнинг ҳаёт сифатини ҳар томонлама яхшилашга қаратилганини алоҳида таъкидлаш лозим.
Конституция қабул қилинган кун бу юртимизда қонун устуворлиги, адолат, тенг имкониятлар ва фуқаролик масъулияти тамойилларининг мустаҳкам ўрнашганини яна бир бор эътироф этадиган байрамдир. 33 йиллик давр мобайнида Конституция мамлакатимиз тараққиёти, давлат бошқаруви ва фуқаролик жамияти шаклланишида ҳал қилувчи ҳуқуқий асос бўлиб хизмат қилди.
Бугун Конституция Ўзбекистоннинг модернизация жараёнлари, инсон ҳуқуқларига устуворлик берилган демократик жамият барпо этиш йўлида ишончли ҳуқуқий пойдевор бўлиб қолмоқда. Ундаги тамойилларга садоқат эса Янги Ўзбекистон тараққиётининг узвий давомийлигини таъминлайди.
Конституциянинг 33 йиллиги — инсон қадри, эркинлик, тенглик ва адолатни улуғлайдиган, давлатимиз тараққиётининг мустаҳкам ҳуқуқий таянчи эканини яна бир бор тасдиқловчи муҳим сана ҳисобланади.
Э. ЎЛМАСБОЕВ,
республика Маънавият ва маърифат маркази туман бўлинмаси раҳбари.
About The Author
